Harreman-elementua Paradigma berriaren muin gisa

Arreta inguru atseginak sortzeko beharrezkoa den kultura aldaketa maila guztietan gertatu behar da: erakundean, zerbitzu guztietan eta horietan esku hartzen duten pertsona guztietan.

Ikuspegi horretatik, erakundeek, bai zerbitzua lotuta dagoen erakunde edo antolakundeak, bai zerbitzuaren beraren zuzendaritzak, harremanen dinamikan parte hartu behar dute eta dinamika horrekin engaiatu behar dute, ahalegin horretan funtsezkoa baita barruko mailan bultzatzen duten komunikazio moldea. Horren haritik, komeni da erakunde batek bultzatutako komunikazioak zer-nolako alderdiak izan behar dituen aintzat hartzea (horietako batzuk 7. atalean jorratuko dira, lidergo eraginkor eta parte hartzailez jardutean), bai profesionalekin, bai erabiltzaileekin, bai senideekin:

Profesionalekiko komunikazioa zaintzeaz eta indartzeaz gain, ezinbestekoa da erakundeak profesionalen arteko komunikazio ona susta dezan, eta, horretarako, talde lana bultza dezan. Talde lanaren eta elkarlanaren ezaugarriak alderatuz gero, hobeto ohartuko gara talde lanaren ezaugarriez:

Harremanetan Oinarritutako Arretaren esparruan, komeni da taldea diziplinartekoa izatea, ez diziplina anitzekoa bakarrik, adostutako helburu erkideak lortzeko lan partekatua berma dadin. Lan egiteko modu horrek hainbat abantaila ditu zerbitzuentzat: