Balorazioan eta banakako plangintzan parte hartzea
Etxeko eta senideentzat, oso garrantzitsua da balorazioa eta arreta pertsonalizatuko plana egiten parte hartzea; izan ere, egoitzan ematen den arretak pertsonaren bizitzaren historia ez ezik, haren gaitasunak, lehentasunak, nahiak, premiak eta uneko egoerari ongien erantzuten dioten eta batere egokiak ez zaizkion laguntzak emateko moduak ere kontuan hartuko dituela bermatzeko modua baita. Senideen iritziz, bide hori erabiliz ezagutaraz dezakete familiaren etxean arreta ematen emandako urteetan –batzuetan, urte askotan− eskuratutako ezagutza eta esperientzia, eta horrek, zalantzarik gabe, indartu egiten du haien konfiantza eta segurtasun sentipena.
Horren haritik, funtsezkoa da, halaber, erreferentziazko senideak erabiltzailearen erreferentziazko profesionala(k) ezagutzea, eta, beraz, komeni da egoitzak idatziz jakinaraztea haien izenak, erreferentetzat esleitu bezain laster.
