Liburutegia

Hitz klabeak

Personas mayores, Dependencia, Residencias, Modelos, Cuidados de larga duración, Atención centrada en las relaciones, Calidad de la atención, Condiciones de vida, Promoción, Emociones, Usuarios, Personal, Diagnóstico, Métodos de evaluación, Instrumentos técnicos, Cuestionarios, Directrices, País Vasco, España

Laburpena

Harremanetan Oinarritutako Arretari buruzko Eskuliburuaren lehen eranskin hau adinekoen egoitzetan erabiltzekoa da, eta bi eduki mota eskaintzen ditu, bi-biak osagarriak, egoitzetan, Harremanetan Oinarritutako Arretaren Paradigma eskuliburu horretan proposatutako ereduaren bidez aplika dadin errazteko. Eduki horiek bi zatitan ageri dira eranskinean:

Lehenengoan, erabiltzaileek, profesionalek eta senideek «Sentipenen Esparrua» deritzona osatzen duten sentipenak hauteman eta senti ditzaten lagundu dezaketen faktoreak aztertu dira, eta faktore horiek sortzeko jarraibide praktikoak eskaini dira. Zazpi atal ditu: hasierakoan, atariko gogoeta batzuk egin dira eta gainerako seietan, sentipen bakoitzari dagozkion gomendioei buruzkoak dira.

Bigarren zatian, «Kalitate Profilak» deritzon tresnaren oroigarri laburra eskaini da (bertsio xeheagoa aztertzeko, Eskuliburuaren 9. atala kontsultatzea komeni da). Tresna horren helburua da egoeraren diagnostikoa egiten laguntzea, sentipen bakoitzari zuzenean lotutako gertaera on edo atsegin batzuk zein maiztasunez jazotzen diren kontuan hartuta. Horrek, aldi berean, ondo funtzionatzen duten alderdiak (oso ohikoak diren gertaera onuragarriei lotutakoak) eta hobetzeko tartea duten alderdiak (hain ohikoak ez diren gertaera onuragarriei lotutakoak) zehaztea ahalbidetuko digu. Diagnostiko hori Harremanetan Oinarritutako Arretaren Eredua ezartzeko lehen urrats gisa zein modu jarraituan erabil daiteke, haren iraupena eta arretaren etengabeko hobekuntza bermatzeko.